അൽ അബ്‌റാർ ബാലിക അനാഥ അഗതി മന്ദിരം

ചെറുപ്പത്തിൽ തന്നെ മാതാപിതാക്കൾ നഷ്‌ടപ്പെട്ട്‌ സംരക്ഷിക്കാൻ ആളില്ലാതെ കഷ്‌ടത അനുഭവിക്കുന്ന അനാഥ ബാലികമാരെയും മാതാപിതാക്കൾ ഉണ്ടായിട്ടും ദാരിദ്രത്തിൻറെ കൈപ്പുനീർ കുടിക്കാൻ വിധിക്കപെട്ട നിത്യജീവിതവും വിദ്യാഭ്യാസവും വഴിമുട്ടിപോയ അനാഥകളേക്കാൾ കഷ്‌ടത അനുഭവിക്കുന്ന അഗതികളെയും ഏറ്റെടുത്ത് ധാർമ്മികതയിലധിഷ്ഠിതമായ മത, ഭൗതിക, തൊഴിലധിഷ്ഠിത വിദ്യാഭ്യാസം നൽകി വളർത്തിവരുന്ന സ്ഥാപനമാണ് മർക്കസുൽ അബ്‌റാർ. ഒന്നാം ക്ലാസ്സുമുതൽ ഡിഗ്രിതലം വരെ പഠിക്കാനുള്ള സംവിധാനം സ്ഥാപനം ഒരുക്കിയിട്ടുണ്ട്.ഇതിനുപുറമെ വിവാഹ പ്രായമെത്തിയ കുട്ടികളെ അനുയോജ്യരായ ഇണകളെ കണ്ടെത്തി വിവാഹം ചെയ്തുകൊടുക്കുക എന്ന ഭാരിച്ച ഉത്തരവാദിത്വംകൂടി സ്ഥാപനം ഏറ്റെടുത്ത് നടത്തിവരുന്നു. മർക്കസുൽ അബ്‌റാറിൻറെ പ്രഥമ സ്ഥാപനമായ അൽഅബ്‌റാർ ബാലിക അനാഥ അഗതിമന്ദിരത്തിന് (റൈഹാൻ ഗാർഡൻ) ഇതിനകം 200 ഓളം ബാലികമാരെ വിവാഹത്തിലൂടെ സനാഥകളാക്കാൻ സാധിച്ചിട്ടുണ്ട്. അനാഥകളും അഗതികളുമായ 200 ഓളം പെൺകുട്ടികളാണ് ഇപ്പോൾ സ്ഥാപനത്തിൽ പഠിച്ചുവരുന്നത്. ഇവരുടെ പഠനം, വസ്ത്രം, ചികിത്സ, താമസം, ഭക്ഷണം, വിവാഹം, എന്നിവയ്ക്ക് ഭീമമായ സംഖ്യ ആവശ്യമായി വരുന്നു. സ്ഥിരമായി ഒരു വരുമാനവും ഇല്ലാത്ത നമ്മുടെ സ്ഥാപനം സ്വദേശത്തും, വിദേശത്തുമുള്ള ദീനി സ്നേഹികളുടെയും, ഉദാരമതികളുടെയും വിശിഷ്യ അനാഥകളും അഗതികളുമായ പെൺകുട്ടികളുടെ പുരോഗതിയിൽ അതീവതാൽപര്യം പുലർത്തുന്ന സഹോദരിമാരുടെയും നിർലോഭമായ സഹായസഹകരണം കൊണ്ട് മാത്രമാണ് മുന്നോട്ട് പോവുന്നത്. ഈ മഹൽ സംരംഭങ്ങളിലേക്ക് നിങ്ങളുടെ അകമഴിഞ്ഞ സഹായം ഞങ്ങൾ പ്രതീക്ഷിക്കുന്നു. അനാഥകളും അഗതികളുമായ ഈ മക്കളുടെ എല്ലാ പ്രാർത്ഥനകളിലും പ്രത്യേകിച്ച് വെള്ളിയാഴ്ച്ച രാവിൽ നടക്കുന്ന സ്വലാത്ത് മജ്‌ലിസിലും എല്ലാ അറബിമാസവും ആദ്യ വ്യാഴാഴ്ച്ച മഗ്‌രിബ് നിസ്‌കാരാനന്തരം നടക്കുന്ന ദിക്ർ ദുആ മജ്‌ലിസിലും താങ്കൾക്കും കുടുംബത്തിനും വേണ്ടി പ്രത്യേകം ദുആ ചെയ്യുന്നതാണ്. നമ്മുടെ മുഴുവൻ പ്രവർത്തനങ്ങളും നാഥൻ സ്വീകരിക്കട്ടെ........ആമീൻ